هتبعد خلاص..

بقلم/وﻻء حسن
ليه بتقسي عليا ده انت اقرب حد ليا في الدنيا ديا،
عاوز تروح وتنساني طب كنت تستني كمان شوية

يمكن كنت انصلح وتغير العيب اللي فيا،
هتبعد خلاص ومش هشوفك مش هلمسك و تسيبني للدنيا تيجي بزيادة عليا،
خلاص مش هسمعك وانت في عز ضحكتك تقوللي ملكيش دعوة بيا،
دا انا اصطفيتك من وسط ملايين البشر تكون حبيبي ونور عنيا،
ده جزاتي اني حبيتك واديتك مشاعري تلعب بيها بالشكل ده وتيجي عليا،
ليه كدة تزعلني منك وتدوس عليا ده يمكن معتش في عمري بقيا،
ولما أموت تندم ع اللي عملته فيا

ويكون فات الاوان تصالحني وتاخد بخاطري وتبوس ايديا،
زي متعودت منك قبل منفترق لما بكون في حضنك وتحس بدفي قلبي نحيتك وتقولي ربنا يخليكي ليا،
ولما ايدينا تتشبك واجي اسحبها الاقيك ماسكها بكل قوتك وتقوللي إوعي تسيبي إيدك من إيديا،
لكن خلاص هحاول انسي كل لحظة حلوة عشتها حتي لو كان مضحوك عليا.